Sam Fang
- Apr 4, 2023
- 3 min read

[#103 住左一年英國實測每月使費有幾多? 能源上漲係咪超恐佈個價? 如果要慳不如搵多d仲實際?]

呢排新聞成日話能源緊張黎緊又話要停電、超市又加價、租又加、乜都加咁濟，究竟係英國西北例如曼城、利物浦、Warrington等地方生活其實要幾錢? 係咪好似狼英講到咁淒慘頂唔順要回流?

呢篇文同大家分享我係英國實測一年除返開每個月大概既使費係點，有圖有真相! 首先當然要睇睇我張excel圖左面，租屋既每月開支大概需要2000鎊，最主要開支係租，佔左850鎊，其實住遠少少唔使住市中心，呢個數講緊兩房排屋只係需要600-700鎊，慳到150-200鎊。整體黎講呢個數其實我已經使到好開心，唔使點樣慳住慳住，筆者家庭始終唔係屬於大使既一類，主要都係鐘意係屋企鑽研菜式，特別係我太太vivian煮野拿手，我地通常逢週末先出街周圍試下唔同餐廳放鬆下，所以其實叫做慳到好多錢，因為呢邊食野覺得都幾貴，對比平時係超市見到既食材價錢，雖然價格對比舊年已經漲左20-30%，但對我地黎講仍然屬於好抵煮既。至於能源方面就170鎊搞掂哂水電煤，唔係成日開暖氣，覺得係可接受範圍。

睇睇右面就係供樓既每月開支圖，無太大分別，慳左租，主因放左大小小既deposit，計哂全部使費1800鎊有找。

所以放棄一定要住市中心既念頭，就其實租屋比供樓都唔係貴太多。

1800鎊咩概念? 如果最低工資工一星期40小時咁計，一個月未扣稅、ni等等就1600鎊，會有小小吃力，最初筆者黎到係要自己揞荷包貼，但一轉左文職其實就即時變返正數。文職講緊初級其實都有25000 - 30000鎊一年，除返開每個月都有2000-2500鎊，可以話係夠使，如果你係專業人士或者係行業已經有返咁上下經驗可以做個manager仔，事實上你份工點都有35000-40000鎊，每個月就大概3000鎊，扣除開支仲有1000鎊儲下錢，呢個level既人士對比香港可能儲少左錢，但work life balance、居住空間又大左、假日可以周圍渣車遊下，對比香港長工時自由度會大好多，壓力都少d，個人無咁燥，同老婆/女友/男友/老公關係都好D，搵得錢黎都要有時間同家人同埋心愛既人過先叫有意義，難道你覺得成日對住公司同老細好有意義?

未計你係超專業級別或者行業老手，senior manager級別呢邊英國都50000鎊左右或以上，更加唔好講如果你入到跨國公司或者某d行業係英國特別吃香，例如I.T.或者工程，6-70000鎊無走雞甚至更高。但英國高過50000鎊就要突出黎舊錢交40%稅，所以你會見英國超多Family business，自己開公司玩企業稅，好過比政府按個人入息稅硬食。

上面既excel圖其實無包做gym，去泳池遊水，得閒去下唔同景點、學琴學舞既費用，主要只係包括基本生活開支比大家做個參考，拋磚引玉。

-------

✓ 上面既計法唔包括倫敦同倫敦週邊範圍

✓ 蘇格倫同英倫東北會再平d

✓ 錢唔係用黎儲，要用得其所先會帶黎更多既價值，否則只有貶值既份兒

✓ 1800鎊算得係乜，香港賣左層樓渣住800-1000萬大有人在，買三間每間300萬一間自住，另外兩間放租已經可以簡單財務自由，但係香港就做唔到，你依然要日日趕巴士地鐵返工。

✓ 如果有特別興趣例如渣跑車、狂買rolex名錶潮牌或者狠狠掃珠寶既可以唔使睇呢篇post

-------

#uk #bno #uklife #英國生活 #香港人在英國 #Ukmrpr #monthly #expense #calculation #balance #life #work #money #value