繼早前筆者同大家分享過英國既 "搵工密碼" 同 "面試心得"之後，今次想同大家傾下紮左職後點樣向上爬。
2023年初始對筆者既其中一則喜訊，係3月頭加人工4%，如果大家一直有follow 小弟既專頁，就會知道筆者初頭入職既時候曾經中過騙徒既點數卡騙局，仲比好多人笑我交左智商稅。有興趣可以睇返 (放左係留言度)。
現今通漲猛於虎，英國講緊起碼10%既通漲升幅，人工可以話係一定追唔到，除非跳槽，但經濟差，周圍裁員潮，你是否夠薑跳又pass到試用又坐得穩? 一動不如一靜，所以有得加人工，係好過無得加人工，就咁睇4%既升幅好似唔多，但有好過無，以及百分比升幅其實本身視乎你既底薪有幾多。高薪既話4%都值得開心食返餐。
筆者以往係香港有數次升職加薪以及只係加薪既成功經驗，認為爭取加薪係有佢既一套法則，只要做齊，加上你要求底下，佢係通常都會加比你，只有極小數例子係例外，我此篇文章稍後會分享埋，但原則上認同 “加薪” 或者 “升職加薪” 都係要天時、地利、人和集合，缺一不可。
以下，筆者會分幾點去講，點樣達成升職加人工呢件事，即我所謂行去 “加人工” 既談判桌。
1. 業績表現上
早前同大家講過，筆者呢類文職工，唔似坊間巴士、地鐵、郵差、護士或者郵差等係有工會，無得集體罷工或抗議黎爭取加薪，相反，好多時你要靠自己既業績 / 成績去證明自己值得加人工。
每一份工作無論係英國或者香港，都有所屬既KPI ，即KEY PERFORMANCE INDEX，通常都係公司或者你上司set比你，達成既話即係代表你既表現屬於好，達唔到就通常睇你付出左幾多努力以及過程所帶黎對公司或同事既正面影響，如果無乜正面影響又平時人際關係麻麻地既，就要小心。
咁筆者做呢份工作已經年幾，第一年既KPI完全達成，所以有左基本條件行近一步去談判桌。筆者認為香港人黎到英國，基本上付出香港50%既力，已經夠殺同埋幫到你行去談判桌度。
2. 時機上
英國同香港既財政年度，基本上係一樣。升職加人工，通常都係每年先會發生一次或者夠勁既話兩次，所以通常呢件事可以發生係
a. 你既週年入職日期，假如你係7月入職，去到第二年既6月中至7月就要提上司你既週年到職日就快到，需要performance review，縱使公司財政年度可能時期唔一樣，都要儘量為自己提供機會行近談判桌。
b. 利用公司既財政年度黎為自己增加機會- 例如公司通常會1-2月review，3月有結果，4月去實施舊年既結論。所以，基本上，聖誕放完假，你就要諗: 你究竟係跳槽，定係同公司講升職加人工。
時機要岩，你上司或者公司管理層會容易d幫你爭取，我俗稱 “順住個勢”，否則，你要求無端端9月要加人工，有時會比較難，除非你要脅公司你外面搵到offer可能跳槽，但咁樣做以後可能會有反效果，假如你係諗住長做既話。因為有d公司會覺得你有異心，未必會將資源放哂係你度。非必要唔好用呢招住。
3. 心態上
人工永遠係比得唔足夠，唔好覺得市場有個價比你，你就要跟，事實上，你既時間係好寶貴，人工係要.....
留言度睇全文在patreon:
#升職加薪成功經驗分享 #通漲咁勁希望大家都有得加 #提提大家最低工資都有加 9.5鎊加到10.42