LA MOLECULA QUE POIRIÁ GARIR L’OBESITAT
I a una molecula que pòt garir l’obesitat e tanben al còp l’osteoporosi. Es çò qu’an descobèrt fa pas gaire una còla de cercaires. Es un tipe de molecula que poiriá avisar lo cervèl e li demanar de luchar contra cèrtas malautiás dont l’obesitat e l’osteoporosi.
Mas, cossí es possible qu’una soleta molecula pòsca garir mai d’una malautiá al còp ? Los cercaires afirman qu’aquò es possible pr’amor qu’es una molecula que pòt avisar lo cervèl; pòt, d’efièch, interagir amb los receptors del nòstre còrps e puèi dirigir una messatge al cervèl per li dire çò que cal far. Aquel tipe de receptors son nomenats PIEZO.
Los receptors PIEZO son de receptors qu’avèm jos la pèl e que tranforman la fòrça mecanica recebuda aprés qualcun toquèt la pèl en de senhals electrics. Los receptors PIEZO foguèron descobèrts en 2010. Lor ròtle a l’ora de trapar e luchar contra fòrça malautiás es, doncas, plan important.
Un procés nòu
Los cercaires trobèron cossí modificar un proteïna que pòt interagir amb de PIEZO. Aquestes envian de senhals al cervèl a travèrs dels nèrvis. En mai d’aquò, los scientifics trapèron cossí cambiar los messatges d’aquela proteïna e aital poder luchar contra de malautiás coma l’obesitat e l’osteoporosi.
Segon los meteisses cercaires, los receptors PIEZO son plan importants per la densitat dels osses. Alavetz, se es cambiada la sieuna activitat, tanben podèm modificar la densitat dels osses en aquelas personas que patison d’osteoporosi. E tanplan amb lo cas dels malauts d’obesitat pr’amor que se pòdon activar las proteïnas PIEZO que i a en l’estomac….
La Redaccion
