હવે વેપારીઓ અને પોલીસ વચ્ચેનો સેતુ વધુ મજબૂત બનશે : ફરિયાદ માટે માર્કેટમાં સજેશન બોક્સ મુકાયા
Now the bridge between traders and police will be stronger: Suggestion boxes have been placed in the market for complaints
સુરત ટેક્સટાઇલ(Textile) માર્કેટની વિવિધ ટેક્સટાઇલ માર્કેટમાં વેપારીઓની સુવિધા માટે સોમવારથી સજેશન બોક્સ લગાવવાનું શરૂ કરવામાં આવ્યું છે. સાકેત ગ્રૂપના સાંવરપ્રસાદ બુધિયાએ જણાવ્યું હતું કે કાપડના વેપારીઓની પોલીસ સંબંધિત ફરિયાદો વહીવટીતંત્ર સુધી સરળતાથી પહોંચે તે હેતુથી આ અભિયાન શરૂ કરવામાં આવ્યું છે. આ ઝુંબેશ સોમવારે સાંજે સહારા દરવાજા પાસે સ્થિત ગ્લોબલ ટેક્સટાઇલ માર્કેટમાંથી શરૂ કરવામાં આવી હતી.
આ પ્રસંગે શહેર પોલીસ કમિશનરે બજાર પરિસરમાં લગાવેલ સૂચન બોક્સનું લોકાર્પણ કર્યું હતું. કાર્યક્રમ દરમિયાન ઉપસ્થિત વેપારીઓને સૂચન બોક્સને લગતી માહિતી આપવામાં આવી હતી. આ દરમિયાન વરાછા, પુણા અને સલાબતપુરા પોલીસ સ્ટેશનના વિવિધ ટેક્સટાઈલ માર્કેટમાં સૂચન બોક્સનું પણ વિતરણ કરવામાં આવ્યું હતું. વહેલી સવારે સાકેત દ્વારા ગ્લોબલ માર્કેટના સહયોગથી હેલ્થ ચેક-અપ કેમ્પનું પણ આયોજન કરવામાં આવ્યું હતું.
