福綠壽訓練學院｜陳懿德犧牲色相扮碌竹搞到皮膚敏感眼又腫
撰文：吳子生
出版：更新：
陳懿德（德德）昨日（6/3）以著名日本動漫《鬼滅之刃》中的竈門禰豆子造形現身將軍澳電視城出席無綫「新一季，綜藝魂·嚟料！」記者會，外形相當惹笑。德德接受《香港01》訪問時表示：「你哋知唔知，我拍攝《福綠壽訓練學院》已經着咗幾日，可能佢哋知我唔係行靚樣路線，專登為我而設，用呢個竹形嘅道具畀我將個樣收埋，同埋我拍嘅時候，係要用綠色顏料噴晒成塊面。」
陳懿德、郭𤦍文昨日出席無綫「新一季，綜藝魂·嚟料！」記者會。（葉志明攝）
德德續說：「好似琴日咁，我係帶住呢個頭飾足足拍咗成二十幾個鐘，拍到我好似一碌蔗咁，係成個人都謝晒。加上本身我又噴咗啲顏料喺塊面度，我係搞到皮膚敏感紅腫。到第二日起身，我左邊隻眼係完全腫咗，嚇到要即刻去咗睇醫生，事後食咗藥就好快冇事。不過無論點，能夠令到觀眾開心都覺得值得嘅。」
陳懿德化妝搞到皮膚敏感。（葉志明攝）