ទំហំពាណិជ្ជកម្មសរុបរវាងកម្ពុជា និងដៃគូរជុំវិញពិភពលោកសម្រេចបានជាង ១៩ ពាន់លានដុល្លារក្នុងរយៈពេល ៥ ខែដំបូងនៃឆ្នាំ ២០២៣ ធ្លាក់ចុះ ១៤ ភាគរយបើធៀបនឹងរយៈពេលដូចគ្នាកាលពីឆ្នាំមុន។
តួលេខពីអគ្គនាយកដ្ឋានគយ និងរដ្ឋាករនៃក្រសួងសេដ្ឋកិច្ច និងហិរញ្ញវត្ថុ បានបង្ហាញថា កម្ពុជាបាននាំចេញផលិតផលទៅកាន់ទីផ្សារបរទេសជិត ៩,២ ពាន់លានដុល្លារ ធ្លាក់ចុះ ២,៤ ភាគរយ ធៀបនឹងរយៈពេលមួយឆ្នាំ។
ទន្ទឹមនឹងនេះ ការនាំចូលរបស់ព្រះរាជាណាចក្រកម្ពុជាបានធ្លាក់ចុះ ២២,៦ ភាគរយ មកនៅត្រឹមជាង ១០ ពាន់លានដុល្លារ។
ទីផ្សារធំបំផុតទាំង១០របស់កម្ពុជាក្នុងអំឡុងពេលនោះមានប្រទេសចិន សហរដ្ឋអាមេរិក វៀតណាម ថៃ ជប៉ុន សិង្ហបុរី ឥណ្ឌូនេស៊ី អាល្លឺម៉ង់ តៃវ៉ាន់របស់ចិន និងកាណាដា។
ទំនិញនាំចេញសំខាន់ៗរួមមាន សម្លៀកបំពាក់ ស្បែកជើង ផលិតផលធ្វើដំណើរ កង់ អង្ករ ឧបករណ៍អគ្គិសនី កៅស៊ូ គ្រឿងសង្ហារឹម បន្លែ និងផ្លែឈើ។
ប្រទេសកម្ពុជាបាននាំចូលភាគច្រើនមានដូចជា វត្ថុធាតុដើម សម្ភារសំណង់ រថយន្ត ផលិតផលឱសថ គ្រឿងអេឡិចត្រូនិច និងអគ្គិសនី ជី និងថ្នាំសម្លាប់សត្វល្អិត។ AKP-ផល សុផានិត