人生步伐快慢，心中冷暖自知，攻防戰從來冇必勝必殺技，但衝破進退維谷困窘，憑藉靜極思動儲彈藥沉著應戰，保守Play safe一點又何妨，士氣 / 水準當然要保持（其實要更勝從前），為下一場人生戰事作好準備！
ROLEX於「鐘錶與奇蹟」高級鐘錶展發佈2024新款腕錶，當中以Perpetual 1908最為亮麗吸睛，昨年見證系列誕生，今回恒動1908型第二枚，延續優雅精緻美學，950鉑金鍛造，搭配39毫米錶殼、最令人心動嘅冰藍色Guilloché立體穀粒紋錶面、7140型機芯、透背設計、棕色鱷魚皮錶帶及雙摺扣（Dualclasp雙帶扣），填補（懷念）Cellini空缺；氣質呢回事，唔係隨便可以輕易營造 / 駕馭！
另外，綠針再現，Oyster Perpetual GMT‑Master II以灰黑雙色Cerachrom陶質字圈亮相，好多人嫌悶，評冇新意，但其實錯重點，今次係俾上回向隅錯過機會而失望嘅人買㗎，那半圈灰，呢個時勢，提醒：唔好咁灰！
