今朝收到讀者查詢，問香港既mpf已經羅返諗住轉帳過黎英國，但突然驚醒: 使唔使交英國稅架? 好甘架喎!
香港同英國係2010年的時候已簽訂左避免雙重課稅既協定，所以裡面寫明如果係退休金，係唔使交英國既稅款，只要係香港交左稅就ok。有關詳細內文大家可以睇返HMRC裡面的Article 17，亦都有提及過past employment 或 self employment，一筆過的長俸或者定期長時間的長俸，其實都唔使交英國的稅項。
但有一樣野要留意，就係唔同種類既強積金，部分係要交，部分係唔使交，點解咁講? 睇下面。
1. 自願性供款 如果僱主同僱員之間訂立除了5%之外，你會另外加多幾個%供款既話，而呢個又同你僱傭合約掛鈎由僱主直接幫你做供款，咁樣就會係免稅。
2. 可扣稅自願性供款 早前港府出左個政策，就係用唔同的工具令你透過儲蓄可以享有稅務上的優惠。而可扣稅自願性供款強積金就係其中一種。金額係可以自己訂立既，而可扣稅額度就要視乎相關措施。因為供幾多，供幾耐係完全自訂，同你既僱傭關係係無關的。呢方面你就要交稅。
3. 特別自願性供款 有d人覺得自己用緊既部分強積金平台好好，而且個基金表現好好，所以另外透過自願性供款，係積金局平台上面或積金商的平台上自己另外做左一d儲蓄投資。因為通過呢個強積金平台係同僱傭關係無關，所以係需要繳交英國稅款。
保險之類 – 年金 / 扣稅年金 基本上都係要交稅，雖然係退休儲蓄安排，但因為同僱傭關係無關，所以要交稅。
----------------------
簡單講，同僱傭關係有關既，唔使交稅 / 無關既，就通常要交。
如果有讀者係會計師或者稅務師，歡迎留言分享比其他讀者聽。
P.S. 筆者係黎英國既第二個月就已取回mpf，究竟係點攞? 可以去下面條link了解更多。
香港人，取回自己既血汗錢
