State Agency for Science and Higher Education’s Post

Canlı yayımda HTP çərçivəsində xaricdə təqaüdlə təhsil imkanları müzakirə ediləcək. Vebinarda Hökumətlərarası Təqaüd Proqramı çərçivəsində Qazaxıstan, eləcə də digər ölkələrdə təhsil imkanları barədə məlumat əldə edə bilərsiniz. Təqaüd proqramlarına müraciət, sənəd qəbulu və mövzuya dair digər suallar canlı yayımda cavablandırılacaq. #EATDA #XaricdəTəhsil #Vebinar

#Bilirdinizmi? Müxtəlif təhsil pillələri üzrə kağız daşıyıcıda verilən bir çox arayışları elektron şəkildə almaq mümkündür.

Azərbaycanda təhsil almış əcnəbi məzunlarla görüş keçirilib. Mayın 10-da vaxtilə Azərbaycanda təhsil almış və hazırda öz ölkələrində müxtəlif sahələrdə rəhbər vəzifələrdə çalışan Vyetnam və Laos vətəndaşları, o cümlədən Vyetnam-Azərbaycan və Laos-Azərbaycan Dostluq Assosiasiyalarının üzvləri ilə Elm və Ali Təhsil üzrə Dövlət Agentliyində görüş keçirilib. Görüş zamanı ölkələrimiz arasında qarşılıqlı elm və ali təhsil əlaqələrinin inkişafı, hər iki ölkə ilə mübadilə, təqaüd və ortaq elmi layihələrin həyata keçirilməsi perspektivləri ətrafında fikir mübadiləsi aparılıb. Görüş çərçivəsində Azərbaycanda təhsil alan Vyetnam və Laosdan olan məzunların ölkələr arasında müxtəlif istiqamətlərdə əlaqələrin inkişafındakı potensial rolu, o cümlədən hər iki ölkə vətəndaşlarının Azərbaycan universitetlərində təhsilinin təşviqi müzakirə edilib, bu xüsusda əcnəbi məzunların iştirakının əhəmiyyəti vurğulanıb. #EATDA 

Bu gün ümummilli lider Heydər Əliyevin doğum günüdür.

16 may, saat 16:00-da ADPU-nun Pedaqoji Forumunun XIV dinləməsi keçiriləcək!

Elm və Ali Təhsil üzrə Dövlət Agentliyinin nümayəndəsi Azərbaycanı “Qlobal Təqaüd Forumu”nda təmsil edib. 5-6 may tarixlərində “BMI/Global Education-Times Higher Education” tərəfindən London şəhərində “Global Scholarship Forum” keçirilib. Forumda dünyanın 50-a yaxın ölkəsindən ali təhsil sahəsində təqaüd təklif edən dövlət qurumlarının, o cümlədən nüfuzlu ali təhsil müəssisələrinin idarəçiləri iştirak edib. Forum çərçivəsində keçirilən görüşlərdə iştirakçı ölkə və universitetlərin nümayəndələri ilə Azərbaycanın ali təhsil və elm sahəsində beynəlxalq əməkdaşlığının genişləndirilməsi, tərəfdaş ölkələrin nüfuzlu ali təhsil müəssisələri ilə ikili diplom proqramlarının təsis edilməsi, elmi tədqiqat layihələrində birgə fəaliyyətin təşviqi, tələbə, müəllim və tədqiqatçıların mübadiləsi, xaricdə təhsil təqaüd imkanları müzakirə edilib. İştirakçılara Azərbaycanın donor ölkə kimi xarici ölkə vətəndaşlarına təklif etdiyi təqaüd imkanları və “Heydər Əliyev adına Beynəlxalq Təhsil Qrantı” barədə təqdimat edilib. Qeyd edək ki, sözügedən forumda Azərbaycanı Elm və Ali Təhsil üzrə Dövlət Agentliyinin Beynəlxalq əməkdaşlıq şöbəsinin müdiri Müjdat Həsənov təmsil edib. #EATDA

Qarabağ Universitetində yüksək bal toplamış tələbələrə dövlət təqaüdündən əlavə təqaüd də veriləcək.

Orta ixtisas təhsil müəssisələrində kadr potensialı və tədris prosesinin təkmilləşdirilməsi istiqamətində işlər davam edir. Bildiririk ki, Tovuz Dövlət Sosial-İqtisadi Kollecində tədris prosesinin təşkili ilə bağlı yoxlamalar aparılıb. Yoxlamanın nəticəsi olaraq Elm və Ali Təhsil üzrə Dövlət Agentliyinin 06.05.2024-cü il tarixli əmri ilə tədris işləri üzrə direktor müavini Nuranə Ələkbərova ilə bağlanmış əmək müqaviləsinə xitam verilib. #EATDA

Xankəndidə təhsil alacaq hər bir tələbənin ilk il olduğu üçün universitet adından kompüterlə təmin olunması planlaşdırılır.

#Bilirdinizmi?