Upplýsing, Alefli og Landskerfi bóksafna hf. boða til aðalfundar og ráðstefnu fimmtudaginn 25. maí n.k. í Háskólanum í Reykjavík, í stofu M208.
Dagskráin er á þessa leið:
kl. 9-12 ProQuest (Clarivate) Information Day
Fulltrúar frá Clarivate sem er móðurfyrirtæki ProQuest og Ex Libris flytja erindi um vörur, þróun og þjónustu sem einkum er miðuð að háskólabókasöfnum. Sjónum verður beint að tækifærum sem felast í samruna fyrrnefndra fyrirtækja sem og nýmælum. Nokkur stikkorð eru „Leganto“ fyrir utanumhald kennsluefnis, stafrænt markaðstorg og þróun í átt til rafræns áskriftaefnis.
kl. 12-13 Aðalfundir Upplýsingar og Aleflis
Á aðalfundi Aleflis – notendafélags Gegnis, verða meðal annars kynntar tillögur að breyttu fyrirkomulagi notendafélags Gegnis. Greidd verða atkvæði um tillögu stjórnar þess efnis að félaginu Alefli verði formlega slitið og í staðinn stofnaður Notendahópur Gegnis sem heyri undir Upplýsingu. Ástæðan er að breytt lagaumhverfi hefur gert rekstur sjálfstæðra félaga mun flóknari en áður og á það jafnt við um félög með mjög lítil umsvif.
Hlutverk Notendahóps Gegnis verði:
- Að koma með tillögur um fræðslu fyrir notendur og að skipuleggja almennar notendaráðstefnur í samvinnu við Landskerfi bókasafna hf.
- Að vera tengiliður milli notenda og Landskerfis bókasafna í þeim tilgangi að samhæfa óskir og kröfur um endurbætur og forgangsraða þeim.
Dagskrá aðalfundar Upplýsingar
a) Skýrsla stjórnar
b) Skýrslur hópa og nefnda.
c) Reikningar félagsins.
d) Ákvörðun launa og þóknunar til stjórnarmanna.
e) Fjárhags- og framkvæmdaáætlun næsta starfsárs.
f) Árgjald.
h) Kosning stjórnar og varamanna, sbr. 5 gr.
I) Kosning skoðunarmanna reikninga.
j) Kosning í fastanefndir til tveggja ára í senn.
k) Önnur mál.
Hlé
Kl. 13:10-16:30 Gróska – vorráðstefna Upplýsingar, Aleflis og Landskerfis bókasafna hf.
Kl. 13.10 Setning ráðstefnunnar, Þórný Hlynsdóttir formaður Upplýsingar
Kl. 13.15 Benedikt Hjartarson prófessor í bókmenntafræði –
Kl. 13.45 Jessica Porter – An update on integration and collaboration of Clarivate, ExLibris and ProQuest – there‘s something for everyone
Kl. 14.15 Hallfríður Kristjánsdótitr gæðastjóri Gegnis á Lbs-Hbs og Sveinbjörg Sveinsdóttir framkvæmdastjóri Landskerfis bókasafna hf. – Bókfræðigrunnur Gegnis – samráð og ákvarðanataka
Kl. 14.45-15.05 Kaffihlé
Kl. 15.05 Linda Hrönn Þórisdóttir formaður bókasafnaráðs –
Kl. 15.35 Pálína Magnúsdóttir borgarbókavörður – Borgarbókasafnið – ný sýn á aldargömlum grunni
kl. 16.05 – Pallborðsumræður um þróun á vettvangi bókasafnanna í stafrænni vegferð
kl. 16:30-19:00 Vorgleði – léttar veitingar í boði Upplýsingar