រោងចក្រផលិតសំបកកង់ដែលវិនិយោគដោយចិននៅក្នុងតំបន់សេដ្ឋកិច្ចពិសេសខេត្តព្រះសីហនុ (SSEZ) បានបើកដំណើរការជាផ្លូវការនៅថ្ងៃចន្ទ។
រោងចក្រ General Tire Technology (Cambodia) ដែលមានតម្លៃ៣០០ លានដុល្លារ មានទីតាំងនៅក្នុង ខេត្តព្រះសីហនុ គឺជាក្រុមហ៊ុនបុត្រសម្ព័ន្ធរបស់ក្រុមហ៊ុនផលិតសំបកកង់ចិន Jiangsu General Science Technology ។
លោកនាយករដ្ឋមន្រ្តី ហ៊ុន សែន និងឯកអគ្គរដ្ឋទូតចិនប្រចាំកម្ពុជា លោក Wang Wentian បានកាត់ខ្សែបូសម្ពោធរោងចក្រជាផ្លូវការ ទន្ទឹមនឹងពិធីអបអរសាទរខួប១០ឆ្នាំ នៃគំនិតផ្តួចផ្តើមខ្សែក្រវាត់ និងផ្លូវរបស់នៅតំបន់សេដ្ឋកិច្ចពិសេសខេត្តព្រះសីហនុ។
លោកនាយករដ្ឋមន្រ្តីហ៊ុន សែន បានមានប្រសាសន៍ថា រោងចក្រនេះគឺជាផ្លែផ្កាមួយទៀតនៃកិច្ចសហប្រតិបត្តិការរវាងកម្ពុជា និងចិនក្រោមក្របខណ្ឌនៃគំនិតផ្តួចផ្តើមខ្សែក្រវាត់ និងផ្លូវ ដោយលោកបានបន្ថែមថារោងចក្រនេះនឹងដើរតួយ៉ាងសំខាន់ក្នុងការកែច្នៃកៅស៊ូក្នុងស្រុកទៅជាសំបកកង់។
លោកបានបន្តថា៖ «រោងចក្របាននាំមកនូវដើមទុនថ្មី បច្ចេកវិទ្យាទំនើប និងជំនាញផលិតសំបកកង់រថយន្តមកកម្ពុជា»។ «រោងចក្រនេះនឹងបង្កើនតម្លៃបន្ថែមដល់សេដ្ឋកិច្ចជាតិ និងបង្កើនប្រាក់ចំណូលរបស់កសិករយើងដោយផ្ទាល់»។
Gu Cui ប្រធានក្រុមហ៊ុន Jiangsu General Science Technology បាននិយាយថា រោងចក្រនេះមានសមត្ថភាពផលិតសំបកកង់ពាក់កណ្តាលដែកចំនួន៥ លានកង់ និងសំបកកង់រ៉ាឌីកាល់ដែកទាំងអស់ចំនួន ៩០០,០០០ ក្នុងមួយឆ្នាំ។
លោកបានបន្តថា “ផលិតផលរបស់យើងនឹងត្រូវបាននាំចេញជាចម្បងទៅកាន់សហរដ្ឋអាមេរិក អឺរ៉ុប និងប្រេស៊ីលក្នុងចំណោមប្រទេសដទៃទៀត” ។ Xinhua