近排見好多人講永居同入藉，但好似都係影片居多，筆者一向方便鐘意睇字既人，於是乎歸納左資料，希望用一個簡單直接既方式呈現比大家睇，等大家知道申請永居需要乜野條件。(以前既文章全部係筆者實測成功經驗，呢篇係網友實測成功經驗以及官方資料來源歸納)
***
永居
***
俗稱indefinite leave to remain (ILR)，有六大條件需要滿足:
1. 唔好犯法，包括駕駛超速扣分個D、唔好欠租、唔好唔還卡數、唔好唔交COUNCIL TAX、唔好漏交水電煤之類。之前本專頁有讀者報料有人醉駕仲要上庭，可以好肯定咁話佢繼續住去到申請入藉都可能會有麻煩野跟身，或者遣返。黎到英國你就好似白紙一張，從新黎過，有多一個機會比你選擇，做乜仲要潑墨上去?
2. 通過life in the UK test，但如果你18歲以下以及65歲或以上，自動豁免。長期病患都係豁免。
[#126 Life in the UK Test 原來好簡單?! 全靠一個網站狂操past paper?!]
3. 通過B1英文考試或者如果本身香港讀大學用英語授課可以同ECCTIS做學歷認證+英文認證。
[#97 BNO Visa - 英國入藉唔想考B1英文試?! ECCTIS幫到你做學歷認證+英文認證，係香港完成學士課程及課水就得?]
4. 在英連續居住5年 – 當用任何一日計算，期間一年之內不能離開超過180日。所以聰明既你記得記錄返出境及入境日子，咁就容易計。
5. 留低在英生活紀錄及證據 – 官方要求5個官方來源，咁我分大人小朋友咁講啦
大人 – NHS/GP信件、P60、DVLA叫你交車稅既信、屋保車保既文件、租約、交COUNCIL TAX信、叫你去投票既信、買屋既證明田土廳文件等
小朋友 – NHS/GP信件、學校信等
6. 幾錢同幾時申請?
由BNO visa生效日起計，就離住夠5年既28日前可以申請ILR。
費用：£2,404 (6個月內知道結果) ，要記得係等到結果之前，不可離開英國
官方網站話申請左( ILR)之後預半年，期間唔可以離開英國，早前有網友分享，佢用左2個半至3個月時間攪掂。
注意: 離開英國超過2年會自動取消永居資格，到時要申請返RETURNING RESIDENT VISA。離開英國5年會自動失去永居資格。
***
入籍
***
取得永居條件之後，住滿一年，就可以申請入藉。除左永居既條件之外，仲有額外既條件需要滿足，包括:
1. 鎊水 – GBP1330 / 人
3. 有永居之後到申請入藉既12個月入面，不可離境超過90日
4. 文件方面要新及舊既護照，BRP (如有)
5. 提供2名諮詢人資料 (要入佢地好多資料，所以呢兩個人都要好熟先得)
-一個要係專業人士，如機師、會計師、記者、律師、牙醫、公務員或者任何有用VAT登記公司既Director等，國籍不限，要識至少3年，唔可以係家庭成員，可以唔住英國都得
-另一個要係英國公民，廿五歲以上、要識至少3年、唔可以係家庭成員，可以唔住英國都得。
網上申請要入呢兩個人既資料! 有咩資料? 如下:
-咨詢人全名, 出生日期, 3年地址 (company or residential address) 電話號碼、電郵、職業、護照號碼，點識申請人。
搞掂入哂資料仲要印出黎搵呢兩條友簽名，唔熟真係好難做到呢件事。
--------------------------------
小朋友都要2個諮詢人，要識至少3年，然後呢下攞命，一定要同小朋友有專業互動 (乜柒黎? ) 即係話要老師、醫生、健康檢查員、社工等。 真係無或者老師say no可以叫學校出封信，有最早一批黎英國既網友實測係得既。
做文職或藍領工不妨同上司或者老細熟d，佢地既資格通常都幫到，唔得既話積善心做善事去charity識下人呢3年都總會識到，分分鐘識到真命天子/女添。所以唔使太擔心，一定識到人，講真筆者而家同住隔離四伙英國人都好熟，住耐左叫聲幫手應該係得既，周不時大家夏天bbq或者請食飯都係交際聯誼認識朋友既方法。
***
[Voxi限時經Referal申請享雙倍獎賞]
6月8號前經筆者referral code申請有雙倍獎賞 - 可以揀amazon voucher / just eat voucher / paypal credit — 例子: 本來只係20鎊獎賞，而家有成40鎊！！！😍 我同你都有，referral link見留言處。
回顧英移公關早前精選文章:
