呢排成日見到唔同既師兄係group度講超市既相機成日影到入，無影到出，到再入再出既時候佢就以為你停左好耐違泊，寄張告票比你叫你交100鎊。
好多時，呢d事情既發生係因為有大貨車或者巴士咁岩block左，搞到影唔到你架車，然後當然系統是傻的，寄告票黎係好正常。又或者，其實好多時就如坊間所講，唔通停車場真係收你雞碎咁多泊車錢搵食? 告票才是大茶飯。
所以有咩做黎去保護自己呢? 1. 當然要有車cam 2. 有時落車上車影張車，有哂日期時間 3. 自己同間泊車負責公司上訴先 4. 真係搞唔掂要去Popla上訴
Popla係獨立私人土地泊車上訴既機構，如果你真係咁不幸收到告票，又事實上你係無違泊，呢間野可能幫到你。
點解要同讀者講? 因為真係太多個案苦主被人話違泊，但其實無，好彩有Popla港人上訴成功案例，個網站亦有case studies。
