ក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាគម្រោងវិនិយោគ ថ្មីចំនួន ៣ ដែលមានតម្លៃជាង២៣,២ លានដុល្លារ។
សេចក្តីប្រកាសព័ត៌មានដែលចេញផ្សាយនៅរសៀលថ្ងៃនេះបានអោយដឹងថា គម្រោងថ្មីនេះ ជាកម្មសិទ្ធិរបស់ក្រុមហ៊ុន Le Hoo (Cambodia) Furniture Company Limited, Xinkaida Lighting Co., Ltd., និង Guangbo (Cambodia) Industrial Co., Ltd.
ក្រុមហ៊ុនទាំងបីនឹងវិនិយោគលើការផលិតគ្រឿងសង្ហារិមគ្រប់ប្រភេទ ខ្សែភ្លើង ឧបករណ៍អគ្គិសនី អំពូលលម្អ គ្រឿងឧបករណ៍អគ្គិសនី និងគ្រឿងបង្គុំអំពូលលម្អ នៅតំបន់សេដ្ឋកិច្ចពិសេសក្នុងខេត្តស្វាយរៀង។
ប្រភពដដែលបានបន្ថែមថា ការងារជិត ២,០០០កន្លែង នឹងត្រូវបានបង្កើតសម្រាប់ប្រជាជនក្នុងស្រុកដោយគម្រោងថ្មីចំនួនបីនេះ។ AKP-Phal Sophanith