სასტიპენდიო პროგრამა ჩინეთის სახალხო რესპუბლიკაში ითვალისწინებს უმაღლესი განათლების საბაკალავრო, სამაგისტრო და სადოქტორო საფეხურებზე, ასევე მეცნიერ- მკვლევართა პროგრამებსა და ჩინური ენის შემსწავლელ კურსებზე სწავლის და ცხოვრებისათვის საჭირო ხარჯის სრულად დაფინანსებას.
სასტიპენდიო პროგრამა განკუთვნილია საქართველოს ყველა მოქალაქისთვის ან პირადობის ნეიტრალური მოწმობის და/ან ნეიტრალური სამგზავრო დოკუმენტის მფლობელისთვის.
სწავლა შესაძლებელია როგორც ინგლისურენოვან, ასევე ჩინურენოვან პროგრამებზე, თუ ფლობთ ჩინური ენის HSK Level 3 და HSK Level 4-ის დონეს (შერჩეული უნივერსიტეტის მოთხოვნის შესაბამისად).
კონკურსში მონაწილეობის მიღების მსურველებმა უნდა შეავსონ სააპლიკაციო ფორმა, როგორც ჩინეთის http://www.campuschina.org, ასევე სსიპ განათლების საერთაშორისო ცენტრის ელექტრონულ სააპლიკაციო სისტემაში: https://app.iec.gov.ge/, სადაც სამოტივაციო წერილის ველის შევსებისას მიიღებენ ჩინეთის სააპლიკაციო სისტემაში რეგისტრაციისათვის აუცილებელ კოდს (Agency Number).
„ჩინეთის კამპუსის“ გვერდზე შევსებული და გაგზავნილი აპლიკაციის ასლი სავალდებულოა აიტვირთოს სსიპ განათლების საერთაშორისო ცენტრის ელექტრონულ სისტემაში.
პროგრამის შესახებ დეტალური ინფორმაცია იხილეთ მიმაგრებულ დოკუმენტში .
სსიპ განათლების საერთაშორისო ცენტრის ელექტრონულ სისტემაში წარმოსადგენია:
- პირადობის დამადასტურებელი დოკუმენტის ასლი
- CV/რეზიუმე
- 2 რეკომენდაცია (ივსება სისტემაში http://www.campuschina.org-ზე წარდგენილი რეკომენდატორების მიერ)
- სამოტივაციო წერილი (ივსება სისტემაში)
- http://www.campuschina.org -ზე შევსებული განაცხადი.
იხილეთ ფიზიკური ჯანმრთელობის ფორმა
განაცხადების გადმოგზავნა შესაძლებელია 2024 წლის 7 თებერვლის ჩათვლით.
საკონკურსოდ განიხილება მხოლოდ ორივე სისტემაში: https://app.iec.gov.ge/ და http://www.campuschina.org სრულყოფილად შევსებული და გადმოგზავნილი განაცხადი.
ელექტრონული რეგისტრაციის ვადის დასრულების შემდგომ, ცენტრი იტოვებს უფლებას, ჩაატაროს გასაუბრება აპლიკანტებთან.