早前睇Hodinkee「Talking Watches With Ronnie Fieg」，「原來」係一個特大預告！
KITH主理人Ronnie Fieg熱忱收藏於1986年初登場嘅經典TAG Heuer Formula 1腕錶，今回直接與品牌作出聯乘，將TAG Heuer Formula 1腕錶重新設計及從Archive款式重新構想，初次復刻締造出10款嶄新配色以及超限定75盒收藏版套裝，保持石英機芯、35mm之餘，特別採用原裝錶殼供應商以及1986年使用嘅相同模具，將原裝採用塑膠水晶嘅手錶更新為藍寶石，原版塑膠錶帶亦升級為橡膠錶帶，更賦予KITH Monogram圖案KITH Heuer標誌和「Just Us」座右銘。憑藉限定版系列頌揚賽車精神，並以升級物料向珍貴時計致敬，透過現代視角傳達上世紀八十年代末期精髓！
完整系列（其中一款為KITH & TAG Heuer不銹鋼版，限定1,350枚，靈感源自Ronnie擁有嘅第一款手錶！另外七款為KITH獨家版，分別象徵KITH旗艦店所在嘅城市，當中五款限定250枚橡膠錶帶、兩款限定350枚不銹鋼錶帶，其餘兩款為TAG Heuer獨家版，各限定推出825枚）以及Collector’s Box Set，為咗紀念今週末邁阿密舉行F1 Grand Prix比賽於5月3日在邁阿密指定TAG Heuer專賣店與KITH邁阿密店先行釋出，其後5月6日指定TAG Heuer專賣店、所有KITH店和Kith.com全球販售！
