പുത്തൻ സ്കിൻ കെയർ ബ്രാൻഡുമായി നയൻതാര. ആറുവർഷത്തെ പരിശ്രമത്തിനൊടുവിലാണ് ‘9സ്കിൻ'( 9SKIN) എന്ന സ്കിൻ കെയർ ബ്രാൻഡ് താരം അവതരിപ്പിക്കുന്നത്.ഇൻസ്റ്റാഗ്രാമിലൂടെയായിരുന്നു താരത്തിന്റെ പ്രഖ്യാപനം. സെപ്റ്റംബർ 29-ന് തന്റെ ബ്രാൻഡ് ഔദ്യോഗികമായി ലോഞ്ച് ചെയ്യുമെന്നും താരം അറിയിച്ചു.
“ഇന്ന്, ആറ് വർഷത്തെ അശ്രാന്ത പരിശ്രമവും സ്നേഹവും വെളിപ്പെടുത്തുന്നതിൽ ഞങ്ങൾ അതീവ സന്തുഷ്ടരാണ്. പ്രകൃതിയും ആധുനിക ശാസ്ത്രവും നാനോ ടെക്നോളജിയുടെ പിന്തുണയുള്ള സൂത്രവാക്യങ്ങൾ ഉപയോഗിച്ച് അതുല്യമായ ഉൽപ്പന്നങ്ങൾ ക്യൂറേറ്റ് ചെയ്യുകയാണ്
ഈ സ്വയം-സ്നേഹ യാത്രയിൽ ഞങ്ങളോടൊപ്പം ചേരൂ, ആരോഗ്യമുള്ള, തിളങ്ങുന്ന ചർമ്മത്തിന് ഹലോ പറയൂ! ഞങ്ങൾ അവതരിപ്പിക്കുന്നു @9SKINOfficial. നമുക്ക് വേണ്ടത് സെൽഫ് ലൗ ആണെന്ന് ഞങ്ങൾ വിശ്വസിക്കുന്നു. The9SKIN യാത്ര 2023 സെപ്തംബർ 29-ന് ആരംഭിക്കുന്നു. അതിശയകരമായ ഒരു ചർമ്മസംരക്ഷണ അനുഭവത്തിനായി തയ്യാറെടുക്കൂ.”, നയൻതാര ഇൻസ്റ്റാഗ്രാമിൽ കുറിച്ചു.
താരത്തിന്റെ പുതിയ സംരംഭത്തിന് വലിയ പ്രതികരണമാണ് ലഭിക്കുന്നത്. നേരത്തെ, ഡെർമറ്റോളജിസ്റ്റ് ഡോ റെനിത രാജനുമായി ചേർന്ന് നടി ലിപ്ബാം കമ്പനി ആരംഭിച്ചിരുന്നു.