អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ ប្រមូលចំណូលពន្ធបានជាង ១,៨ ពាន់លានដុល្លារក្នុងរយៈពេល ៥ ខែដំបូងនៃឆ្នាំនេះ ប្រមាណ ៥១ ភាគរយធៀបនឹងគោលដៅប្រចាំឆ្នាំ។
តួលេខនេះត្រូវបានចេញផ្សាយដោយលោក គង់ វិបុល អគ្គនាយកពន្ធដារ ក្នុងកិច្ចប្រជុំបូកសរុបស្តីពីការប្រមូលចំណូលពន្ធកាលពីថ្ងៃព្រហស្បតិ៍។ លោក គង់ វិបុល បានកត់សម្គាល់ពីសារៈសំខាន់នៃចំណូលពន្ធក្នុងរយៈពេលប្រាំខែដំបូង។ លោកបានចាត់ទុកសមិទ្ធិផលនេះ គឺជាវិធានការដ៏មានប្រសិទ្ធភាពរបស់រដ្ឋាភិបាល ជាពិសេសក្នុងការឆ្លើយតប និងទប់ស្កាត់ជំងឺកូវីដ-១៩។
អគ្គនាយកដ្ឋានពន្ធដារ គឺជាភ្នាក់ងាររដ្ឋាភិបាលដែលទទួលខុសត្រូវក្នុងការប្រមូលពន្ធផ្ទៃក្នុងដូចជា ពន្ធលើប្រាក់ចំណូល ពន្ធលើប្រាក់ខែ អាករលើតម្លៃបន្ថែម និងពន្ធអចលនទ្រព្យ។ សម្រាប់ឆ្នាំ២០២៣ រដ្ឋាភិបាលកំណត់គោលដៅចំនួន ២៣ពាន់ពាន់លានរៀល (ប្រហែល ៥,៥ពាន់លានដុល្លារ) ជាប្រាក់ចំណូលពីអគ្គនាយកដ្ឋានពន្ធដារ និងអគ្គនាយកដ្ឋានគយ និងរដ្ឋាករ។ ផល សុផានិត – AKP