英國既信用卡同香港比簡直係無比較無傷害，簡單一句，好廢。咁點解今日都係要講呢?! 因為某d場合某d用途，唔想比港紙而想比英鎊，英國信用卡仲有佢既用途。
英國呢邊既文化興用debit card，下下用cash，主要由於呢邊既消費文化，相信各位讀者都了解唔使筆者再多解釋。但由於出完糧比左稅，又要交租，又下下月月清無乜儲蓄既環境底下，其實好多銀行或者信貸機構都好驚收唔返條數，所以信用卡唔多，有既話信貸額都唔高。
如果大家仲記得，筆者早期有叫大家申請ae張British Airway既ae卡，貪佢零年費之餘，可以儲下avios，慢慢加credit score可以幫大家借錢買樓。
咁係度住左一排，肯肯定成日都要買呢樣買個樣，英國呢邊又多scam，究竟點樣可以保障自己多d? 某程度上其實信用卡買野都係可以保障到自己，因為一日錢都仲係自己度，風險相對低d，另外有咩事都可以同發卡機構傾傾，如果你知道自己比人呃左最大程度可以幫你取消交易。相反，如果你比debit card，一過左數，咁就貨財兩失。
呢邊既信用卡分左四類，羅列如下:
1. 加credit score既卡
2. 消費類優惠卡
3. 儲飛行里數
4. 回贈卡
所有信用卡，基本上，如果你每個月用既信貸額係20%以下，都會幫到你加credit score，用得多返而會扣分，呢點要注意。因此，2就係你買野張卡通常會有唔同商戶做既優惠，咁你就會買得抵d，筆者早前曾經atg買過lion king歌劇門票，成功9折。3已經係之前british airway ae張卡介紹過。
最後一種，回歸基本步，回贈卡，即時回水，普遍受local歡迎，香港人都like。
因此，用英國信用卡好處在於:
1. 買野減低被騙風險，起碼可以拗數
2. 用英鎊結算 / 唔使用香港信用卡雖然無手續費但蝕2-3%匯率
3. 回贈 / 儲里數 / 加credit score
4. (最重要) 加大信用額，可以買大野如電器傢俬，因為初期張BA卡信用額低得可憐得千幾鎊
香港其實都有部分銀行有global wallet卡可以用外幣結算，但優惠就唔係成日做，唔係下下有回贈 / 或者可以儲里數，加上用個類卡，錢仲係未離開香港境，始終有風險。
(patreon已分析風險包括台海局勢、數碼港幣推行在即、美元港元聯匯脫勾... 詳情入返去睇)
比較過，英國始終都係得ae 卡做得比較好，銀行出既credit card基本上都係... 渣流灘，廢廢地，例如hsbc/Barclays/natwest個d 信用卡既優惠都唔及ae。而家諗返起，都明白點解香港得ae係入到個Market。
講到尾，其實筆者係要買貴電器先需要再申請一張大額D既信用卡。發覺本身個張卡加大limit要求左兩次都唔得，仲扣左我credit score，把心一橫申請新一張，再將舊個張信貸額加入而家呢張新既細頭ae白金每日回贈卡。(但我既credit score講緊excellent，同時年薪係足夠有餘提升信貸額，因此讀者要提升信貸額要注意)
==================================
留意，chase有1%回贈，但上限得每個月15鎊。呢張ae細頭0.5%回贈，無上限回贈，該年使超過10000鎊之後仲會升上1%回贈添，堅係適合買大額野。所以每個月記得用爆chase再黎用呢張ae。大家亦要留意部分快餐店未必收ae。
呢張細頭ae白金卡，主要幾個目的:
1. Cashback
2. 大額信用額
3. 防詐騙
4. 無年費
大家如果有興趣或者好似小編咁要買大額電器或傢俬，不妨申請我講既呢張細頭白金ae每日回贈卡，經referral link申請成功使1鎊即時會有10鎊回贈，頭三個月仲有5%回贈，回水最高100鎊。注意，如果24個月內曾經擁有ae既話就無呢個welcome bonus。申請過程仲要超快，入哂資料後基本上即刻話你知批刻結果同埋可以用既信貸額。
Referral link:
P.S. 其實佢仲有張白金卡係0.75%回贈，但有年費25鎊，如果讀者每年都係使得多既，除笨有精，申請個張就會筍d。
精彩優惠:
回顧英移公關早前精選文章:
點解join Patreon?