លោកស្រី Christina Garcia Frasco រដ្ឋមន្រ្តីក្រសួងទេសចរណ៍បានគូសបញ្ជាក់កាលពីថ្ងៃចន្ទថា កម្ពុជាគឺជាដៃគូដ៏សំខាន់សម្រាប់ការអភិវឌ្ឍវិស័យទេសចរណ៍នៅក្នុងប្រទេសហ្វីលីពីន ជាមួយនឹងកិច្ចសហការភាពជាដៃគូដែលផ្តោតលើការការពារបេតិកភណ្ឌ ការគ្រប់គ្រង និងការត្រួតពិនិត្យ។
កម្ពុជាមានភាពល្បីល្បាញដោយសារប្រទេសនេះមានតំបន់បេតិកភណ្ឌពិភពលោកបីដែលបានចុះបញ្ជីជាមួយអង្គការយូណេស្កូ។
កាលពីថ្ងៃទី១៥ ខែមិថុនា កន្លងទៅនេះ លោកបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងលោកស្រី Frasco រដ្ឋមន្ត្រីក្រសួងទេសចរណ៍ហ្វីលីពីនបានជួបពិភាក្សាការងារនៅខាងក្រៅកិច្ចប្រជុំគណៈកម្មការរបស់អង្គការទេសចរណ៍ពិភពលោក (UNWTO) ដែលធ្វើឡើងនៅកម្ពុជា ដើម្បីជំរុញទំនាក់ទំនងរវាងប្រទេសទាំងពីរ។
លោកស្រី Frasco បាននិយាយថា “យើងសូមកោតសរសើរចំពោះភាពជោគជ័យរបស់កម្ពុជា ជាពិសេសលើផ្នែកអភិរក្ស និងគ្រប់គ្រងបេតិកភណ្ឌប្រកបដោយចីរភាព។
លោកស្រីបានបន្ថែមថា “ហេតុដូច្នេះហើយ ហ្វីលីពីនចាប់អារម្មណ៍យ៉ាងខ្លាំងក្នុងការសហការជាមួយកម្ពុជាក្នុងការអភិវឌ្ឍកិច្ចខិតខំប្រឹងប្រែងរួមគ្នា និងការផ្លាស់ប្តូរឧត្តមមានុវត្តលើការអភិរក្ស និងការគ្រប់គ្រងបេតិកភណ្ឌ”។
លោកស្រីក៏បានសង្កត់ធ្ងន់លើភាពជោគជ័យរបស់ប្រទេសហ្វីលីពីនក្នុងវិស័យទេសចរណ៍អប់រំ ជាពិសេសកម្មវិធីភាសាអង់គ្លេសជាភាសាទីពីរ (ESL) របស់ខ្លួន។
លោកស្រីបានបន្តថា “ហ្វីលីពីនមានមហាវិទ្យាល័យល្អៗសម្រាប់រៀនភាសាអង់គ្លេស ហើយកម្មវិធី ESLរបស់យើងក៏មាសក្តានុពលផងដែរ” ។
អ្នកស្រីបានបន្ថែមថា “នេះគឺជាអ្វីដែលយើងចង់សហការជាមួយកម្ពុជា រួមទាំងក្នុងវិស័យទេសចរណ៍វេជ្ជសាស្រ្ត ។
កាលពីឆ្នាំ២០១៦ ហ្វីលីពីនបានចុះហត្ថលេខាលើអនុស្សរណៈយោគយល់គ្នាសម្រាប់កិច្ចសហប្រតិបត្តិការទេសចរណ៍ជាមួយកម្ពុជា។
ហ្វីលីពីនបង្ហាញការគាំទ្រចំពោះឆន្ទៈរបស់កម្ពុជាក្នុងការបន្តកិច្ចព្រមព្រៀងនេះ ដែលលោករដ្ឋមន្ត្រី ថោង ខុន បានឯកភាពនឹងការលើកឡើងនេះ។
លោកស្រីបានបន្ថែមថា “ដូចដែលខ្ញុំដឹង មានប្រជាជនហ្វីលីពីនជាង ៧,០០០ នាក់ កំពុងធ្វើការរស់នៅក្នុងប្រទេសកម្ពុជាហើយយើងសូមអរគុណយ៉ាងជ្រាលជ្រៅចំពោះភាពកក់ក្តៅ និងក្តីស្រឡាញ់ដែលកម្ពុជាផ្តល់ជូនប្រជាជនហ្វីលីពីន” ។
លោកស្រីបានបញ្ចប់ថា៖ «ហ្វីលីពីនក៏នឹងផ្តល់ភាពកក់ក្តៅទៅដល់ប្រជាជនកម្ពុជាវិះ ដោយយើងសង្ឃឹមថានឹងចំនួនភ្ញៀវទេសចរនឹងកើនឡើងបន្ទាប់ពីការចុះហត្ថលេខាលើកម្មវិធីអនុវត្តរបស់យើង»។ Manila Times