យោងតាមរបាយការណ៍របស់ធនាគារជាតិនៃកម្ពុជាបានឲ្យដឹងថា ការទូទាត់ប្រាក់តាមអេឡិចត្រូនិកនៅកម្ពុជាមានចំនួនកើនឡើងរហូតដល់ ១,000 ភាគរយនៃផលិតផលក្នុងស្រុកសរុប(GDP ) នៅក្នុងឆ្នាំ ២០២២។
ការទូទាត់ប្រាក់តាមអេឡិចត្រូនិកបានកើនឡើងប្រហែល ៣០០ពាន់ពាន់លានដុល្លារ គឺជិត ១,០០០ភាគរយនៃGDP ខណៈកាលពីឆ្នាំទៅប្រហែល ៣០ពាន់លានលានដុល្លារ គឺជាចំនួនមួយខ្ពស់ក្នុងចំណោមប្រទេសនៅលើពិភពលោក ដែលជាការឆ្លុះបញ្ចាំងពីទំនើបកម្ម និងការអភិវឌ្ឍប្រព័ន្ធទូទាត់នៅកម្ពុជា។
តួរលេខនេះធ្វើឡើងស្របពេលធនាគារជាតិនៃកម្ពុជាបានរៀបចំពិធីសម្ពោធដាក់ឱ្យដំណើរការជាផ្លូវការប្រព័ន្ធ
ខេមបូឌានស៊ែស្វីច (Cambodian Shared Switch-CSS)។
លោកស្រី ជា សិរី ទេសាភិបាលរងនៃធនាគារជាតិនៃកម្ពុជាមានប្រសាសន៍ថា បរិមាណនៃការទូទាត់តាមអេឡិចត្រូនិកបានកើនឡើងពី ២00 ទៅ ៣00 ភាគរយជារៀងរាល់ឆ្នាំទាំងប្រតិបត្តិការ និងចំនួននៃការទូទាត់។
លោកស្រីមានប្រសាសន៍ថា៖ « វាប្រហែលជាតួរលេខខ្ពស់មួយនៅលើពិភពលោកុំ អាចមានមួយរឺពីរប្រទេសដែលមានចំនួនខ្ពស់ ខណៈដែលខ្ញុំអត់មានតួរលេខពួកគេ។ ប៉ុន្តែជាទូទៅតួរលេខគឺធំ វាន័យថាឥទ្ឋិពលនៃប្រព័ន្ឋទូទាត់តាមអេឡិកត្រូនិកគឺមានទំហំធំ»។
លោកស្រីមានប្រសាសន៍ថា៖ « ខណៈដែលប្រទេសអភិវឌ្ឍន៍មួយចំនួននៅតែប្រើប្រាស់សាច់ប្រាក់ ឬការចុះហត្ថលេខាលើមូលប្បទានប័ត្រដើម្បីធ្វើប្រតិបត្តិការទូទាត់ វាអាចជាការភ្ញាក់ផ្អើលមួយដែលមានសក្តានុពលដ៏អស្ចារ្យជាច្រើននៅក្នុងប្រទេសរបស់យើង ហើយ ពួកយើងមានប្រជាជនវ័យក្មេងដែលស្របទៅតាមការអភិវឌ្ឍបច្ចេកវិជ្ជាបានលឿនដែលជាសញ្ញាល្អដល់អ្នកវិនិយោគក្នុងធ្វើការសម្រេចចិត្តណាមួយ»។
លោក ជា ចាន់តូ ទេសាភិបាលធនាគារជាតិនៃកម្ពុជា បានមានប្រសាសន៍ក្នុងរបាយការណ៍ថា ធនាគារកណ្តាលបានបង្កើត និងលើកកម្ពស់ការធ្វើទំនើបកម្មនៃហេដ្ឋារចនាសម្ព័ន្ធប្រព័ន្ធទូទាត់របស់ប្រទេសជាមួយនឹងលេខកូដ KHQR ដើម្បីលើកកម្ពស់ការទូទាត់តាម QR រួមជាមួយនឹងបេសកកម្មនៃការអភិវឌ្ឍប្រកបដោយសុវត្ថិភាព ប្រសិទ្ធភាពជាងមុន ការចំណាយទាប ជាដើម និង រួមបញ្ចូលការទូទាត់ឆ្លងព្រំដែនជាមួយប្រទេសផ្សេងទៀតនៅក្នុងតំបន់ផងដែរ។
លោកមានប្រសាសន៍ថា៖ « ការទូទាត់ត្រូវបានធ្វើឡើងតាមប្រព័ន្ធឌីជីថលតាមរយៈផលិតផល និងសេវាកម្មដែលផ្តល់ដោយស្ថាប័នធនាគារ និងហិរញ្ញវត្ថុ ជាពិសេសកម្មវិធីទូរស័ព្ទ ឬភ្នាក់ងារ និងបណ្តាញទូទាត់ផ្សេងទៀត។ ការប្រើប្រាស់បច្ចេកវិទ្យាក្នុងការទូទាត់ប្រាក់ចួលរួមចំណែកក្នុងការពង្រឹងហិរញ្ញវត្ថុ ការផ្សេព្ឋផ្សាយការប្រកួតប្រជែង ការបង្កើតសកម្មភាព និង ភាពទុកចិត្តជាដើម»។
លោក សុខ វឿន ប្រធានក្រុមប្រឹក្សាភិបាល សមាគមមីក្រូហិរញ្ញវត្ថុកម្ពុជាមានប្រសាសន៍ថាលោកក៏បានស្នើឱ្យ NBC ធ្វើការជាមួយស្ថាប័នដែលចូលរួមទាំងអស់ដើម្បីកំណត់ដែនកំណត់អតិបរមាក្នុងមួយថ្ងៃ និងចំនួនសាច់ប្រាក់ដែលអាចដកបានក្នុងមួយប្រតិបត្តិការពីម៉ាស៊ីន ATM នីមួយៗ។ លោកថា៖ « វានឹងធ្វើឱ្យអ្នកប្រើប្រាស់ងាយស្រួលចងចាំ និងធ្វើប្រតិបត្តិការម៉ាស៊ីនទាំងនោះ»។
លោក ចរ សុភាព ប្រធានគណៈកម្មាធិការទូទាត់នៃសមាគមធនាគារនៅកម្ពុជាមានប្រសាសន៍ថា ៖ « ប្រពៃណីការប្រកួតប្រជែងធនាគារនៅតែបន្ត ។ ប៉ុន្តែខ្ញុំគិតថា នៅពេលដែលធនាគារនីមួយៗ និង គ្រឹះស្ថានហិរញ្ញវត្ថុយល់គ្នាទៅវិញទៅមក ពួកគេនឹងឈប់ប្រកួតប្រជែងគ្នា ហើយជំនួសមកវិញ ពួកគេនឹងនិយាយគ្នាទៅវិញទៅមក ដើម្បីបំបែកម៉ាស៊ីនអេធីអឹមទាំងនោះ ពីកន្លែងមួយទៅកន្លែងជាច្រើនទៀតនៃប្រទេស មិនដូចការជួបជុំគ្នានាពេលបច្ចុប្បន្ននោះទេ»៕
ប្រែសម្រួលដោយ៖ សុ ជាតា