កាលពីឆ្នាំមុន ការនាំចូលសម្លៀកបំពាក់របស់អេស្ប៉ាញពីកម្ពុជាមានការកើនឡើងខ្លាំង ហើយនៅតែបន្តកើនឡើងក្នុងរយៈពេល៤ ខែដំបូងនៃឆ្នាំនេះ។
ការនាំចូលបានកើនឡើងគួរឱ្យកត់សម្គាល់ដល់ ១៩.២% ឬស្មើ ៣២៦.៦ លានដុល្លារពីខែមករាដល់ខែមេសាឆ្នាំនេះ បើធៀបនឹងរយៈពេលដូចគ្នាកាលពីឆ្នាំមុន។
អេស្ប៉ាញបាននាំចូលសម្លៀកបំពាក់ដែលមានទំហំទឹកប្រាក់២៧៤លានដុល្លារក្នុងអំឡុងពេល៤ខែដើមឆ្នាំមុន។ នេះតំណាងឱ្យការកើនឡើង ៥១.៦% បើប្រៀបធៀបទៅនឹងទំហំទឹកប្រាក់១៨០.៨ លានដុល្លារពីខែមករាដល់ខែមេសាក្នុងឆ្នាំ២០២១។
និន្នាការនេះបង្ហាញពីការស្ទុះងើបឡើងវិញដ៏ធំនៃការនាំចូលរបស់ប្រទេសអេស្ប៉ាញ ដែលបានធ្លាក់ចុះ ២២.៧% មកនៅត្រឹម ២៣១.5ឮ៥ លានដុល្លារក្នុងរយៈពេល៤ខែដំបូងនៃឆ្នាំ២០២០ ហើយបានធ្លាក់ចុះបន្ថែមទៀតមកត្រឹម ២១.៩% ឬស្មើ ១៨០.៨ លានដុល្លារក្នុងអំឡុងពេលដូចគ្នាក្នុងឆ្នាំ ២០២១ នេះបើយោងតាមទិន្នន័យពីក្រុមហ៊ុនទីផ្សារ Fibre2Fashion’s TexPro ។
ក្នុងរយៈពេល៤ខែដំបូងនៃឆ្នាំនេះ កម្ពុជាជាអ្នកផ្គត់ផ្គង់សម្លៀកបំពាក់ធំទី៤ទៅប្រទេសអេស្ប៉ាញ។ ក្នុងអំឡុងពេលនេះ អេស្ប៉ាញបាននាំចូលសម្លៀកបំពាក់ចំនួន ៥% ពីកម្ពុជា។
កាលពីឆ្នាំមុន ការនាំចូលសម្លៀកបំពាក់របស់ប្រទេសអេស្ប៉ាញមានចំនួនសរុប $៩៧៨.៤ លានដុល្លារ ធៀបនឹង ៦២៦.៨៥៣ លានដុល្លារក្នុងឆ្នាំ២០២១។ កាលពីឆ្នាំមុន ប្រទេសនេះបាននាំចូលសម្លៀកបំពាក់មានតម្លៃ ៦៣៤.៦២៩ លានដុល្លារក្នុងឆ្នាំ២០២០ និង៨៧៤.១៤២ លានដុល្លារក្នុងឆ្នាំ ២០១៩។
ប្រសិនបើអត្រាកំណើនបច្ចុប្បន្នត្រូវបានរក្សាសម្រាប់រយៈពេលដែលនៅសល់នៃឆ្នាំនេះ ការនាំចូលសម្លៀកបំពាក់របស់អេស្ប៉ាញអាចលើសពី១ ពាន់លានដុល្លារសម្រាប់ឆ្នាំនេះ។ និន្នាការនេះបង្ហាញថា ពាណិជ្ជកម្មទ្វេភាគីរវាងអេស្ប៉ាញ និងកម្ពុជា នៅតែរក្សាបានភាពធន់ បើទោះបីជាសេដ្ឋកិច្ចមានការធ្លាក់ចុះនាពេលបច្ចុប្បន្ន និងអតិផរណាខ្ពស់ដែលប៉ះពាល់ដល់ប្រទេសលោកខាងលិចក៏ដោយ។ Fibre2Fashion News