រាជរដ្ឋាភិបាលកម្ពុជា បានសម្រេចផ្តល់គម្រោងថែទាំសុខភាព តាមរយៈមូលនិធិសមធម៌សុខាភិបាល សម្រាប់បុគ្គលដែលធ្វើការក្រៅប្រព័ន្ធក្នុងវិស័យទេសចរណ៍ ស្របតាមបទប្បញ្ញត្តិជាធរមាន។

យោងតាមសេចក្តីប្រកាសព័ត៌មានរបស់រាជរដ្ឋាភិបាលកម្ពុជា កាលពីថ្ងៃច័ន្ទ បុគ្គលិកដែលធ្វើការក្នុងវិស័យនេះភាគច្រើនជាស្ត្រីធ្វើការនៅក្នុងបារ ក្លឹបរាត្រី ខារ៉ាអូខេ សួនស្រាបៀរ ហាងម៉ាស្សា និងស្ប៉ា។

រាជរដ្ឋាភិបាលកម្ពុជា នឹងទទួលបន្ទុកបង់ថ្លៃទាំងស្រុង។

ដោយផ្អែកលើគោលនយោបាយ “គ្មានអ្នកណាម្នាក់ត្រូវបានទុកចោល” រាជរដ្ឋាភិបាលបានដាក់ចេញនូវយន្តការគាំពារសង្គមជាច្រើន ដើម្បីធានាសន្តិសុខប្រាក់ចំណូល កាត់បន្ថយភាពងាយរងគ្រោះផ្នែកសេដ្ឋកិច្ច និងហិរញ្ញវត្ថុ ដើម្បីកាត់បន្ថយ និងការពារប្រជាជនអតិបរមាពីការធ្លាក់ចូលទៅក្នុងភាពក្រីក្រ។

ក្នុងន័យនេះ និយោជក ឬម្ចាស់អាជីវកម្មទាំងអស់នៃទេសចរណ៍សេដ្ឋកិច្ចក្រៅប្រព័ន្ធ ត្រូវរៀបចំបញ្ជីឈ្មោះនិយោជិតរបស់ខ្លួន ហើយផ្ញើទៅរដ្ឋបាលរាជធានី-ខេត្ត ឬក្រុង/ស្រុក/ខណ្ឌ ដើម្បីផ្ទៀងផ្ទាត់មុននឹងដាក់ពាក្យសុំចូលប្រើសេវាបេឡាជាតិរបបសន្តិសុខសង្គម (ប.ស.ស) ដើម្បីពួកគេទទួលបានអត្ថប្រយោជន៍ក្រោមកញ្ចប់មូលនិធិសមធម៌សុខាភិបាលនៅតាមគ្រឹះស្ថានសុខាភិបាលសាធារណៈទូទាំងប្រទេស។ Nika – AKP